Transplanti i Flokëve

Ashtu si shëndetin e mirë dhe rininë, shumë prej nesh i marrin flokët si të mirëqenë – kjo zgjat, derisa s’i kemi më. Për shumë njerëz, një transplant flokësh mund të ndihmojë në kthimin e asaj që duket si një kokë me flokë të dendur, ose të paktën një kokë flokë më të dendur.

Humbja graduale e flokëve në zona të caktuara është shkaku më i përhapur për rënien e flokëve. Kjo varet nga gjenetika. Rastet e tjera të rënies së flokëve janë për shkak të një sërë faktorësh, si:

Në nxjerrjen e njësisë folikulare (FUE) folikulat e flokëve priten drejtpërdrejt nga pjesa e pasme e kokës përmes disa qindra-mijëra çarjesh të vogla.

Kirurgu bën disa vrima të vogla me një gjilpërë ose teh në zonën e skalpit ku do kryhet transplanti. Në këto vrima, ata vendosin butësisht fije floku. Gjatë një seance trajtimi, një kirurg vendos qindra apo mijëra fije floku. Më pas, zona e transplantit juaj do mbulohet me garza ose fasho. Një seancë e transplantit të flokëve mund të zgjasë katër ose më shumë orë. Penjtë do të hiqen rreth 10 ditë pas ndërhyrjes. Mund t’ju nevojiten deri në tre ose katër seanca për të arritur flokët e dendur që dëshironi. Seancat kryhen disa muaj larg njëra-tjetrës për të lejuar që secili transplant të shërohet plotësisht.

PYETJET E SHPESHTA

1- Çfarë ndodh pas transplantit të flokëve?

Skalpi juaj mund të jetë i lënduar dhe mund t’ju duhet të merrni ilaçe pas ndërhyrjes së transplantit të flokëve, si:

Ilaçe për dhimbjen
Antibiotikë për të ulur rrezikun e infeksionit
Ilaçe anti-inflamatore për të reduktuar enjtjen

2- Sa kohë duhet për t’u rikuperuar pas transplantit të flokëve?

Pjesa më e madhe e njerëzve kthehen në punë disa ditë pas ndërhyrjes.
Është normale që floku i transplantuar të bjerë dy deri në tre javë pas proçedurës. Kjo lë vend që të krijohen flokët e reja. Shumë njerëz kanë rritje të flokëve të reja 8 deri në 12 muaj pas ndërhyrjes.

3- Cilat janë ndërlikimet që mund të shoqërojnë transplantin e flokëve?

Efektet anësore nga një transplant flokësh janë zakonisht minimale dhe zhduken brenda pak javësh.
Mund të jenë:

gjakderdhje
enjtje e skalpit
kruarje
inflamacion ose infeksion i folikulave të flokëve, që njihet si folikulit
humbje e përkohshme e flokëve të transplantuar
tufa flokësh që nuk duken natyrale

4- A mund të bëjnë të gjithë transplant flokësh?

Gratë dhe burrat mund të jenë kandidatë të mirë për transplantin e flokëve.
Që të merresh në konsideratë për një transplant flokësh, nevojiten dy gjëra:

Flokë të mjaftueshëm në scalp, që të mund të transplantohen në zonën ku mungojnë
Aftësia për të rritur flokët në zonën e holluar të skalpit

Gjatë këshillimit me një dermatolog, mund ta zbuloni nëse i keni të dyja. Dermatologu do t’ju bëjë një ekzaminim të skalpit.