Depilimi me Lazer

Depilimi me lazer është mënyra më popullore për të hequr përgjithmonë qimet e tepërta. Krahasuar me metodat tradicionale të heqjes së qimeve si rruajtja, shkulja dhe dylli, depilimi me lazer është një metodë e provuar për reduktimin e përhershëm të qimeve për të gjitha llojet e lëkurës. Depilimi me lazer është një nga proçedurat kozmetike më të zakonshme dhe Aura ofron mënyrën më të sigurt dhe më të rehatshme për heqjen e përhershme të qimeve të padëshiruara.

Lazerët janë të dobishëm për heqjen e qimeve të padëshiruara nga fytyra, këmbët, mjekra, shpina, krahu, nënsqetulla, zona e bikinit dhe zona të tjera.

Përfitimet e heqjes së qimeve me lazer përfshijnë:

• Saktësia. Lazerët mund të përqendrohen në mënyrë selektive te qimet e errëta dhe të trasha, duke lënë lëkurën përreth të padëmtuar.
• Shpejtësia. Çdo puls i lazerit kërkon një fraksion të sekondës dhe mund të trajtojë shumë qime në të njëjtën kohë.
• Parashikueshmëria. Shumica e pacientëve kanë rënie të përhershme të qimeve pas një mesatareje prej tre deri në shtatë seanca.

Nëse po planifikoni t’i nënshtroheni depilimit me lazer, duhet të kufizoni shkuljen, depilimin me dyllë dhe elektrolizën për gjashtë javë përpara trajtimit. Kjo për shkak se lazeri godet rrënjët e qimeve, të cilat hiqen përkohësisht me dyllë ose shkulje. Gjithashtu duhet të shmangni ekspozimin në diell për gjashtë javë para dhe pas trajtimit.

Pak para proçedurës, qimet që do t’i nënshtrohen trajtimit do të shkurtohen në disa milimetra mbi sipërfaqen e lëkurës. Zakonisht aplikohet krem mpirës 20-30 minuta para proçedurës me lazer, për të ndihmuar në lehtësimin e pickimit te pulseve të lazerit. Pajisja me lazer do të përshtatet sipas ngjyrës, trashësisë dhe vendndodhjes së qimeve që do të trajtohen, si dhe sipas ngjyrës së lëkurës suaj. Gjithashtu do të jetë e nevojshme të mbroni shtresat e jashtme të lëkurës me një xhel të ftohtë ose pajisje speciale ftohëse. Kjo do të ndihmojë që drita e lazerit të depërtojë në lëkurë.

Më pas, specialisti do të hedhë një puls drite në zonën e trajtimit dhe do të vëzhgojë zonën për disa minuta për t’u siguruar që janë përdorur parametrat më të mira dhe për të kontrolluar në rast reagimesh të padëshiruara.

PYETJET E SHPESHTA

1- Çfarë ndodh pas proçedurës?

Kur proçedura të përfundojë, mund t’ju jepet akull, kremra apo locione anti-inflamatore, ose ujë i ftohtë për të lehtësuar çdo shqetësim. Ju mund të planifikoni trajtimin tuaj të ardhshëm katër deri në gjashtë javë më vonë. Ju do të merrni trajtime derisa qimet të mos rriten më.

2- Për sa trajtime kam nevojë?

Numri i trajtimeve për depilimin me lazer që kërkojnë pacientët, ndryshon në bazë të faktorëve të tillë si trashësia e qimeve, zona që trajtohet dhe cikli i rritjes së qimeve.

3- Kur është koha më e mirë për të kryer një proçedurë depilimi me lazer?

Një nga udhëzimet kryesore të sigurisë për depilimin me lazer është shmangia e ekspozimit në diell. Rrezet e diellit sensibilizojnë lëkurën ndaj energjisë nga lazerët, duke i bërë më të mundshme efektet anësore. Vjeshta është një sezon ideal për të filluar trajtimet e depilimeve me lazer.

4- Si do të jetë lëkura ime?

Lëkura juaj do të jetë e njëjtë si më parë, po më e ndjeshme ndaj diellit. Ne informojmë klientët tanë se çdo zonë që është trajtuar dhe ekspozohet çdo ditë në diell, duhet të mbulohet me krem mbrojtës me një minimum 30 SPF. Për shembull: këmbët, krahët, fytyra, etj.