Hiperhidroza

Me gjithë stigmën sociale që lidhet me djersitjen, pak të sëmurë kanë folur për këtë me mjekun e tyre ose janë në dijeni të ndonjë mundësie trajtimi. Pavarësisht se lokalizohet zakonisht në sqetulla, fytyrë, duar dhe këmbë, hiperhidroza (djersitja e tepërt) mund të përgjithësohet edhe në të gjithë trupin. Nuk është e pazakontë që ata me hiperhidrozë të ndërrojnë veshje disa herë gjatë ditës dhe shpesh ka një efekt negativ në vetëvlerësim. Djersitja e tepërt shkakton probleme emocionale dhe mendore. Gjenet janë gjithashtu një faktor përcaktues.

Botoksi është një trajtim i njohur kundër plakjes, por a e dini se mund të përdoret gjithashtu për të trajtuar djersitjen e rëndë? Duke përdorur një gjilpërë shumë të imët, Botoksi injektohet në zonën e prekur, duke bllokuar lirimin e një kimikati në sistemin nervor përgjegjës për aktivizimin e gjendrave të djersës, i njohur si acetilkolina. Ndjeshmëria ose mavijosja pas trajtimit është normale dhe zakonisht largohet brenda një dite.

Trajtimet nuk zgjasin më shumë se gjysmë ore.

S’ka efekt anësore, apo kohë rekuperimi, dhe çdo enjtje e lehtë largohet brenda ditës.

shqetësimi është minimal dhe nuk nevojitet anestezi.

PYETJET E SHPESHTA

1- Kush është i prirur për hiperhidrozë?

Zakonisht, hiperhidroza primare është e trashëguar, që do të thotë se mund ta ketë pasur një nga pjesëtarët e familjes. Hiperhidroza dytësore shkaktohet nga ndonjë sëmundje apo sjellje. Disa prej tyre mund të jenë:

Sëmundjet nervore
Diabeti
Sëmundjet tiroidale
Menopauza
Alkoolizmi kronik, etj.

2- Sa kohë zgjat efekti i trajtimit të hiperhidrozës me botoks?

Efektet e Botoksit janë të përkohshme, që do të thotë se do të keni nevojë për më shumë injeksione në të ardhmen. Për djersitjen e nënsqetullave, thatësia mund të zgjasë diku nga katër deri në katërmbëdhjetë muaj. Rezultatet mund të mos zgjasin aq gjatë për duart dhe këmbët, dhe mund t’ju duhet të përsërisni trajtimin tuaj pas rreth gjashtë muajsh.